Kamavinga: "Mbappe juda kamtarin futbolchi"

"Real Madrid" jamoasi futbolchisi Eduardo Kamavinga Kilian Mbappening jamoaga erkin qo‘shila olishi haqida gapirdi.

- "Real"da hamma Mbappeni yaxshi ko‘radi. Eng avvalo, u ispanchani juda yaxshi biladi. Bu esa uning jamoa bilan munosabatlarini osonlashtiradi.

U oddiy va kamtarin inson. Kilian kiyinish xonasiga yaxshi moslashdi va biz bundan juda xursandmiz, - dedi "Los-Blankos" yarim himoyachisi.

Ma’lumot uchun, Mbappe "Real" tarkibida 11 ta o‘yinda 7 ta gol urishga muvaffaq bo‘ldi.