ЖЧ-2022 саралаши. Уругвай Чилини мундиал йўлланмасидан маҳрум қилди

ЖЧ-2022 Жанубий Америка минтақаси саралаш босқичидан ўрин олган Чили - Уругвай учрашуви ниҳоясига етди. Унда меҳмонлар 2:0 ҳисобида ишончли ғалабани қўлга киритди.

Баҳсда икки гол Луис Суарес ва Федерико Вальверде ҳисобига ёзиб қўйилди. Мезбонларга гол уриш насиб этмади.

Шу тариқа, Уругвай очколари сонини 28 тага етказиб, жадвалда 3-ўринни банд этди.

Чили ҳисобида 19 очко мавжуд бўлиб, жамоа 7-поғонадан ўрин эгаллади. Мазкур натижадан сўнг Чилида Жаҳон чемпионатига чиқиш учун имкон қолмади.