Jaka Bundesliga klubiga o‘tmoqda

Londonning “Arsenal” klubi yarim himoyachisi Granit Jaka yana Bundesligaga qaytishga yaqin turibdi.

The Independent nashri tarqatgan xabarga qaraganda 27 yoshli shveytsariyalik futbolchi “Gerta”ga o‘tadi. Berlinliklar uni joriy mavsum yakuniga qadar ijaraga olish bo‘yicha “kanonirlar” bilan kelishuvga erishishgan. Ular yozda Jakani to‘liq sotib olishadi. Uning transfer narxi esa 30 mln evroga baholanmoqda.

Ma’lumot uchun, Jaka joriy mavsum “Arsenal” safida 15 ta o‘yinda maydonga tushdi va 1 ta golli uzatmaga mualliflik qildi.