Илк учрашув олдидан “Барса” мухлислари Лапортага қарши бош кўтарди

“Барселона” мухлислари Лионель Мессининг бошқа клубга ўтиб кетганини ҳазм қила олмаяпти.  Улар жамоанинг Ла лигада “Реал Сосьедад”га қарши ўйинидан олдин клуб президенти Жоан Лапортага қарши баннерлар кўтарди.

Жоан Лапорта Месси атрофида вужудга келган вазият учун ўзидан олдин ишлаган мутасаддиларни айбламоқда. Бироқ, футбол ишқибозларининг фикри бошқача.

Мухлислар Лапортага қарши “Лапорта Флорентинонинг хизматкори”, “Лапорта Мессини алдади”, “Клуб сенинг шахсий дўконинг эмас!” қабилидаги шиорларни кўтармоқда.

Жоан Лапорта “Барселона” президентлиги учун сайлов олдидан ҳаммага Лионель Мессини олиб қолишни ва клубдаги биринчи вазифаси шу эканини таъкидлаган эди. Амалда эса, клуб Месси билан янги шартнома имзолаш имконини топа олмади.