Ҳусановнинг ёнига катта клубларда ўйнаган ҳимоячи келади

“Манчестер Сити” мутасаддилари ёзги трансферлар даврида ҳам жамоа таркибини янгилашни давом эттиради. Хосеп Гвардиола жорий мавсумда жамоа дуч келган инқирозни таркибга янги ижрочиларни олиб келиш орқали ҳал қилишга қарор қилган.

Энг муаммо нуқталардан бири ҳимоя чизиғи бўлиб турибди. Ҳозирнинг ўзида Натан Аке, ЭЖон Стоунз ва Мануэль Аканжи узоқ муддатга сафда чиққан.

“Шаҳарликлар” ёзда Тео Эрнандесни олиб келмоқчи. Франциялик футболчининг “Милан”даги келажаги мавҳум бўлиб турибди.

EsDiario нашрининг ёзишича, чап қанот ҳимоячисининг яна бир йиллик шартномаси бор. Бироқ клуб ичидаги вазият уни жамоадан кетишини тақозо қилмоқда.

27 ёшли ўйинчи атрофида юзага келган ҳолатдан “Манчестер Сити” фойдаланиб қолиши мумкин. Теонинг маҳоратига гап бўлиши мумкин эмас. “Атлетико” тарбияланувчиси бу клубдан ташқари, “Алавес”, “Реал Сосьедад”  ва “Реал Мадрид”да ўйнаб катта тажриба тўплаган. “Милан”га 2019 йилда келган ўйинчининг муҳитни ўзгартирадиган даври яқинлашиб қолди.

“Манчестер Сити” Тео Эрнандесни жамоага қўшиб олиш учун миланликларга 35 миллион евро миқдорида бажал пули тўламоқчи. Ҳимоячи ҳам “Милан”ни тарк этишга тайёр.