Гвардиола: Шу футболчини олсак, Кевин де Брюйнени унутамиз!

“Манчестер Сити” плеймейкери Кевин де Брюйне мавсум якунланиши билан клубни тарк этишини эълон қилганидан кейин “шаҳарликлар” унинг ўрнини боса оладиган ўйинчи қидиришни жадаллаштириб юборди.

Мълумотларга қараганда, Хосеп Гвардиолага “Пари Сен-Жермен”да ўйнаётган Жоау Невеш номзоди маъқул келган.

“Бенфика”дан Парижга олиб келинган португалиялик ёш футболчи Луис Энрике қўл остида ПСЖда муҳим фигурага айланди. Унинг ўйинни ташкил этиш қобилияти, юқори жисмоний тайёрлиги, тактик саводхонлиги Гвардиоланинг эътиборини тортда ва Невешни Кевинга ўринбосар сифатида кўра бошлади.

Парижликлар Жоау Невешни таркибда сақлаб қолишга ҳаракат қилади. Бироқ англияликлар бу трансферни катта суммага ҳал қилиш мумкинлигига ишонмоқда. “Шаҳарликлар” 20 ёшли футболчи учун 100 миллион евро атрофида маблағ тикишга тайёр.