Гвардиола жамоа юлдузига терма жамоадан чақирув олиш йўлини ўргатди

“Манчестер Сити” бош мураббийи Хосеп Гвардиоладан жамоа етакчиларидан ҳисобланган ҳужумкор футболчи Фил Фоден ноябрь ойидаги йиғин учун Англия терма жамоасига чақирилишга лойиқлигини сўрашди.

- Бу саволни  менга эмас, терма жамоа бош мураббийи Томас Тухелга беринг. Фоден термага чақирилиши учун энг яхши тарзда ўйнаши керак. Англиялик футболчилар ажойиб, бу позицияда жуда кучли рақобат бор.

Фоден ҳар куни ўзининг энг яхши ўйинини кўрсатиши лозим, кейин эса Тухель миллий жамоа учун нима яхши эканини ҳал қилади, - деди “Манчестер Сити” устози Гвардиола.

Фил Фоден охирги марта Англия термаси сафида март ойида ўйнаган эди. Ўтган мавсум унинг ўйинида сезиларли пасайиш кузатилган эди.

Бироқ англиялик ўйинчи янги чемпионатда яна ёрқин ўйин кўрсата бошлади. Бироқ унинг бу хатти-ҳаракатлари ҳозирча Томас Тухелнинг эътиборини қозонишга етарли бўлгани йўқ.