Гвардиола: Ҳеч қайси футболчи рад этолмайдиган уч клуб бор!

“Манчестер Сити” бош мураббийи Хосеп Гвардиола польшалик ҳужумчи Роберт Левандовскининг “Бавария”дан “Барселона”га ўтганига муносабат билдирди.

Испан мутахассиси ўз даврида ҳар икки клуб билан ҳам муваффақиятга эришган.

- Роберт “Бавария” учун муҳим ўйинчи эди, лекин таркибнинг асосини Нойер, Мюллер ва Киммих ташкил қилади. Бу ёз “Бавария” зўр трансферларни амалга оширди.

Бундан ташқари, футболчилар “Реал”, “Барселона” ва “Бавария” каби клубларнинг таклифларини рад этолмайди. Бошқа клублар эса, бунақа трансферлар учун катта харажат қилишига тўғри келади, - деди Хосеп Гвардиола.