Gvardiola “Chelsi”ning ikki yulduzini 200 million funtga olmoqchi

Sports Illustrated nashrining xabar berishicha, “Manchester Siti” chempionatdagi ashaddiy raqiblardan hisoblangan “Chelsi”ning ikki yulduzini o‘z safiga qo‘shib olishdan umidini uzgani yo‘q.

Jamoa bosh murabbiyi Xosep Gvardiola “aristokratlar” safida o‘ynayotgan Ris Jeyms va Meyson Maunt “Manchester Siti” o‘yinini sezilarli darajada kuchaytirishiga ishonmoqda.

Mutaxassislarning ta’kidlashicha, “Chelsi”ga nisbatan qo‘llanilayotgan sanktsiyalar ta’sirida klub ayrim o‘yinchilarini sotib yuborishi mumkin. Bu holat moliyaviy jihatdan ancha baquvvat bo‘lgan “shaharliklar”ga o‘z maqsadlarini amalga oshirish imkonini beradi.

Ular Gvardiolaga kerak bo‘lgan ikki o‘yinchi uchun 200 million funtdan ziyodroq mablag‘dan voz kechishga ham tayyor.