Germaniyaning 2019-yildagi eng yaxshi futbolchisi nomi ma’lum bo‘ldi

"Borussiya Myunxengladbax" himoyachisi Mattias Ginter Germaniya terma jamoasining 2019-yildagi eng yaxshi futbolchisi deb e’tirof etildi.

Muhlislar o‘rtasida ovoz berish yo‘li bilan o‘tkazilgan so‘rovnomada 25 yoshli futbolchi 37 foiz ovoz bilan g‘olib deb topildi.

Kuchli uchlikka "Bavariya" futbolchisi Serj Gnabri va Joshua Kimmixlar kiritildi.

O‘tgan yili Ginter Evro-2020 saralash bosqichida terma jamoa safida 6 ta o‘yin o‘tkazdi va bir gol va ikki gollik uzatma muallifi bo‘ldi.