Futboldan ketgan yulduz bir zumda boshqa ish topdi

“Barselona”, “Bavariya” va “Liverpul” jamoalaridagi muvaffaqiyatli faoliyatidan keyin butsalarini mixga ilganini e’lon qiligan Tyago Alkantara darrov yangi ish topdi.

33 yoshli yarim himoyachi “Barselona” klubining murabbiylar shtabida ish boshlashga yaqin turibdi. Ispaniyalik sobiq futbolchi klub taklifini qabul qilgani aytilmoqda.

Sport.es saytining yozishcha, “Barselona”ning yangi bosh murabbiyi Xans-Diter Flik Tyagoni o‘zining murabbiylar shtabida ko‘rish istagini bildirgan. Chunki germaniyalik murabbiy nemis va ispan tillarini biladigan, futbolni yaxshi tushunadigan mutaxassis yordamiga ehtiyoj sezayotgan edi. Klub rahbariyati esa, ana shu mutaxassisni faoliyatini tugatish arafasida turgan yoshi katta o‘yinchilar orasidan qidirayotgandi.

Tyago Alkantara til bilishdan tashqari, nemis va ispan futboli xususiyatlarini juda yaxshi biladi, o‘yinchilar bilan tez til topisha oladi.