Фоден: "Биз ҳар доим Холанга таяна олмаймиз"

"Манчестер Сити"нинг ҳужумкор ярим ҳимоячиси Фил Фоден жамоадоши Эрлинг Холанд ҳақида гапирди.

Норвегиялик форвард Премьер-лиганинг шанба куни бўлиб ўтган "Эвертон"га қарши баҳсида (2:0) дубль қайд этиб, жамоасига ғалаба келтирди.

"Ўйлайманки, у икки эмас, тўртта гол уриши керак эди. Албатта, ҳазил қиляпман! Унинг ҳар қандай ҳолатда диққатни сақлаб қолиш қобилияти ажойиб. Ҳатто ўйин унга омадли келмаётган пайтда ҳам у битта имконият билан гол уришни билади. Шу ҳолатда у биз учун жуда катта фойда келтирмоқда. Мен ва бошқа ҳужумкор футболчилар фаолроқ бўлишимиз, кўпроқ гол уришни бошлашимиз керак — чунки биз доим Эрлингнинг голларига суяна олмаймиз. Буни яхши тушунамиз", — деди Фоден "City Report" нашрига.

Маълумот ўрнида, Холанд Премьер-лига тўпурарлар рўйхатида 8 та ўйинда 11 та гол уриб етакчилик қилмоқда.