Floyd Meyvezer yoki Menni Pakyao? Asadxo‘ja Mo‘ydinxo‘jaevdan qiziqarli tanlov!

"Jang" loyihasining navbatdagi ishtirokchisi jahon chempioni, taniqli bokschimiz Asadxo‘ja Mo‘ydinxo‘jaev bo‘ldi. U hafta "qahramon"lari Floyd Meyvezer va Menni Pakyao o‘rtasida o‘zining tanlovini ma’lum qildi. 

- Ikkisini ham o‘z davrining buyuk bokschilari sifatida bilaman. Bir-biridan qolishmaydi. Biroq, baribir Meyvezerda ko‘proq ustunlik bor degan fikrdaman. U juda aqilli bokschi sanaladai. Ringda bexuda harakatlarni amalga oshirmaydi. Har bir jangni nazorat qiladi va raqibini o‘z yo‘liga yurgiza oladi. Shuning uchun ham u faoliyatida mag‘lubiyat alamini totib ko‘rmagan. Pakyao ham ajoyib texnikaga ega. Ammo mening tanlovim Floyd Meyvezer.