Флик: "Бундай вазиятга кўникиш керак"

"Барселона" бош мураббийи Ханс-Дитер Флик футболчиларнинг кам ўйин амалиётидан норозилиги ҳақида фикр билдирди.

- Футболчиларнинг норозилигини тушунаман. Мен профессионал футболчи бўлганман ва бундай ҳолатни яхши биламан.

Ҳар бир футболчи жамоанинг бир қисми бўлишни ва ўз ҳиссасини қўшишни истайди. Бироқ, норозилик муносабатини маъқулламайман. Бу вазиятга кўникиш керак - деди "Барселона" бош мураббийи.

Маълумот учун, Ла Лига доирасидаги "Барселона" - "Сельта" ўйинида Ансу Фати майдонга тушмаслигини билиб, сув қутисини тепиб юборди. Каталонияликлар қанот ҳужумчиси ноябрь ойидан бери Ла Лига баҳсларида майдонга тушмаяпти.