Фердинанд: "Улар бир-бирларини ёмон кўради"

"Манчестер Юнайтед" клубининг собиқ футболчиси Рио Фердинанд айни пайтда МЮ сафида тўп тепаётган футболчиларнинг ҳатти-ҳаракатидан норози бўлмоқда. 

"Ташқаридан қараганда, улар ҳаммаси бир-бирларини ҳурмат қиладигандек кўринади. Уларнинг барчаси офисда ўтириб ишлаётгандек туюлади. Шуниси аниқки, манкуниаликларнинг ҳозирги ўйинчилари бир-бирларини ёқтирмайди. 

Ғалаба қозониш учун баъзида одамларни турткилаш керак. Уларга "сиз ахлатсиз", "ўзингизни тартибга солинг", дейиш лозим. Тажовузкор бўлишингиз шарт эмас, оддий суҳбатнинг ўзи етарли. 

Мен реакция кўрмаяпман. Бу футболчилар ҳудди бутун дунё уларга қарши бўлгандек эгилиб юришади ва бахтсиз кўринади", - деди Фердинанд.