"Эвертон" ёзда Уолкоттни сотиб юбормоқчи

Тео Уолкотт мавсумлар оралиғида “Эвертон”дан кетиши мумкин. The Guardian нашри тарқатган хабарга кўра “ирисчилар” жорий мавсум ўзини кўрсата олмаган 30 ёшли футболчини трансферга қўйишмоқчи.

Маълумот учун, Уолкот жорий мавсум ҳозирча 31та ўйинда иштирок этди ва ўз ҳисобига 3та гол ҳамда 3та голли узатма ёздириб қўйишга эришди. Унинг клуб билан амалдаги шартномаси эса 2021 йилга қадар имзоланган.