Эрлинг Холанд "Наполи"га қарши ўйинда рекорд ўрнатди

"Манчестер Сити" аъзоси Эрлинг Холанд "Наполи" билан баҳсда (2:1) гол киритиб, рекорд ўрнатди.

Холанд Чемпионлар лигаси тарихида энг тез 50 та гол урган футболчи бўлди. Бу натижани қайд этиш учун норвегиялик 49 та учрашувда майдонга тушди. Олдинги рекорд Руд ван Нистелройга тегишли бўлиб, у 62 та баҳсда 50 маротаба рақиблари дарвозасини ишғол қилган. Шунингдек, Эрлинг Европа қитъасининг энг нуфузли турнири тарихидаги энг яхши тўпурарлар рўйхатида 10-ўринга кўтарилиб олди.

Маълумот учун, "шаҳарликлар"нинг навбатдаги ўйини 21 сентаябрь куни АПЛ доирасида "Арсенал"га қарши бўлиб ўтади.