Экитике “топ-5”да: Энг қиммат сотилган франциялик футболчи ким?

Англиянинг амалдаги чемпиони “Ливерпуль” ўз сафига франциялик ҳужумчи Уго Экитикени қўшиб олиш учун “Айнтрахт”га умумий ҳисобда 95 миллион евро тўлади.

RMC Sport нашрининг ёзишича, шу тариқа, Экитике энг қимматбаҳо трансферга эга франциялик футболчилар рейтингида кучли бешликка кирди.

Умумий рейтингда  Килиан Мбаппе пешқадамлик қилмоқда. 2018 йили ПСЖ истеъдодли ҳужумчини трансфер қилиш учун “Монако”га 180 миллион евро тўлаган эди.

Энг қиммат трансферга эга франциялик футболчилар рейтинги қуйидагича кўриниш олди:

Килиан Мбаппе — € 180 млн (“Монако” — ПСЖ, 2018 йил);

Усмон Дембеле — € 135 млн (“Боруссия” Дортмунд — “Барселона”, 2017 йил);

Антуан Гризманн — € 120 млн (“Атлетико” Мадрид — “Барселона”, 2019 йил);

Поль Погба — € 105 млн (“Ювентус” — “Манчестер Юнайтед”, 2016 йил);

Уго Экитике — € 95 млн (“Айнтрахт” — “Ливерпуль”, 2025 йил).