Эдерсоннинг кейинги манзили аниқ. Дарвозабон ҳам бу трансферга розилик берди

Инсайдер Ягыз Сабунджуоглу хабарига кўра, "Манчестер Сити" ва "Фенербахче" 32 ёшли дарвозабон Эдерсон трансфери бўйича келишувга эришди.

"Шаҳарликлар" турк клубининг 12 миллион евро ва бонуслардан иборат таклифини қабул қилди. Эдерсоннинг ўзи ҳам трансферга розилик берди.

Бразилиялик посбоннинг манчестерликлардан кетишига асосий сабаб - футболчига билдирилаётган ишонч дейилмоқда. Шунингдек, жамоага ёзда янги посбон Траффорд келиб қўшилди ва асосий таркиб футболчиси бўлди. Бундан ташқари, айрим манбаларнинг маълум қилишича, "Сити" Доннарумма билан ҳам келишувга эришган.