Eddi Xirn Saul Alvares va Jermall Charlo o‘rtasidagi jangni tashkil qilmoqchi

“Matchroom” promouterlik kompaniyasi rahbari Eddi Xirn meksikalik Saul Alvares va AQSh vakili Jermall Charlo o‘rtasidagi extimoliy jang haqida gapirdi.

"Biz Dmitriy Bivolga qarshi jangni tashkil etmoqchi bo‘ldik. Ammo bu jang o‘tkazilmaydiganga o‘xshamoqda. Shu sababli, “Kanelo” Jermall Charlo bilan to‘qnash kelishi mumkin. Qachon? Aniq ayta olmayman. Katta ehtimol bilan sentyabr oyida uni ko‘rishingiz mumkin", - dedi Xirn.

Ma’lumot uchun, hamyurtlarimiz Shahram G‘iyosov, Isroil madrimov va Murodjon Ahmadaliev “Matchroom” bilan qo‘shma hamkorlikda faoliyat yuritadi.