Дьёкереш Фернандеш ва Угартени ортда қолдириб, рекорд ўрнатди

Transfermarkt портали Лиссабоннинг "Спортинг" клуби тарихидаги энг қиммат сотувлар рейтингини эълон қилди. Ҳозирда ушбу рўйхатнинг юқори поғонасидан Виктор Дьёкереш жой олган. Шведциялик ҳужумчи ўтган шанба куни "Арсенал"га 65,8 миллион евро эвазига ўтди. Бундан ташқари, шартнома 10 миллион евролик бонусларни ҳам ўз ичига олади.

Дьёкереш шу тариқа Бруну Фернандешни ҳам ортда қолдирди – у аввал "Манчестер Юнайтед"га 65 миллион еврога сотилган эди. Учинчи ўринда эса Мануэль Угарте – уни ПСЖ 60 миллион евро эвазига сотиб олган.

Эслатиб ўтамиз, Дьёкереш "канонирлар" билан беш йиллик шартнома имзолади ва янги клубида 14-рақамни танлади.