“Челси” машҳур ўйинчи билан шартнома бекор қилади

“Челси”да ўйин амалиётисиз қолиб кетган машҳур футболчи Раҳим Стерлинг яна майдонга қайтиш имконига эга бўлди. Бу ҳақда Caught Offside хабар берди.

Манбага кўра, “аристократлар” 31 ёшли ҳужумкор ўйинчи билан амалдаги шартномани бекор қилиб, уни эркин агент мақомида қўйиб юборишга розилик билдирди.

Айни пайтда англиялик футболчига Англия Премьер-лигаси иштирокчиларидан “Кристал Пэлас” ва “Лидс Юнайтед” иш таклиф қилмоқчи.

Стерлингнинг ўзи Европада қолишни истайди ва мунтазам ўйин амалиёти орқали формасини тиклашга умид қилмоқда.

Жорий мавсумда Стерлинг бирорта ҳам учрашувда иштирок этмади. Футболчининг клуб билан амалдаги меҳнат шартномаси 2027 йил ёзигача мўлжалланган. Transfermarkt портали маълумотига кўра, унинг бозор қиймати беш миллион еврони ташкил этади.