Chag‘lar Suyunju: "Mana shunday vaziyatda ham pul ishlashga urinayotganlarni jazosiz qoldirmaslik kerak"

Chag‘lar Suyunju Turkiyadagi zilziladan pul ishlashga urinayotganlarni tanqid qildi.

"Butun mamlakat motamda, odamlarni vayronalar ostidan qutqarish ishlari davom etmoqda. Bunga befarq, bir tomchi ham odamiylik tuyg‘usi yo‘q odamlar vaziyatdan foydalanib, pul ishlashga urinayotganlarni ko‘rib turibmiz. Ular ko‘rpa-to‘shaklar narxini 5 baravar oshirdi.

Ular jazosiz qolmasligi kerak, buni e’tiborsiz qoldirib bo‘lmaydi!" – deb yozdi "Lester" klubi va Turkiya terma jamoasi himoyachisi "Twitter"da.

Eslatib o‘tamiz, Turkiyadagi zilzila tufayli barcha sport tadbirlari to‘xtatildi.