"Buxoro" safiga ukrainalik hujumchi qo‘shildi

“Buxoro” klubi selektsiya ishlarini davom ettirmoqda. Bungacha klubga Oleg Marchuk va Dmitro Sidorenko kabi ukrainalik legionerlar taklif qilingandi. Bu safar jamoaga yana bir ukrainalik futbolchi qo‘shildi. Bu 27 yoshli hujumchi Viktor Xomchenko.

“Buxoro” klubi matbuot xizmatining yozishicha, u asosan Ukraina chempionatida to‘p surgan. Jumladan, “Rux”, “Avangard”, “Karpati” va “Ujgorod” singari klublarda o‘ynagan. Tez orada ushbu o‘yinchi bilan shartnoma imzolanishi kutilmoqda.