Bunaqasi Angliya terma jamoasi tarixida bo‘lmagan edi

Angliya terma jamoasi futbolchilari Xarri Maguayr va Ris Jeyms kecha UEFA Millatlar ligasidan o‘rin olgan Daniyaga (0:1) qarshi bahsda qizil kartochka oldi.

5 sentyabr kuni Islandiyaga (1:0) qarshi o‘yinda hakam inglizlar himoyachisi Kayl Uokerga qizil kartochka ko‘rsatgan edi.

Opta statistik portali tarqatgan xabarga ko‘ra, Angliya terma jamoasi futbolchilariga tarixda ilk bor 1 yilda 3 ta qizil kartochka ko‘rsatildi.