Bokschi Fazliddin G‘oibnazarovning ovda aks etgan videosi va suratlari yuzasidan rasmiy munosabat bildirildi
Ijtimoiy tarmoqlarda Rio olimpiadasi g‘olibi Fazliddin G‘oibnazarovning ovda aks etgan video va suratlari yuzasidan quyidagilar ma’lum qilinadi.
O‘rganishlar davomida 2022 yilning 30 dekabr kuni Toshkent viloyati Bekobod tumani Sirdaryo daryosida fuqaro X.U tomonidan qushlar ovlangani va o‘ljalar bilan bevosita boshqa fuqarolar bilan birgalikda sportchi F. Gaibnazarov ham foto va videotasvirga tushganligi o‘z tasdig‘ini topdi.
O‘rganishlar davomida ovni amalga oshirgan fuqaro X.U ning ov qilishga tegishli hujjatlari mavjudligi, u ovchilik jamiyatidan ro‘yxatdan o‘tganligi aniqlandi.
Biroq, u ov jarayonida belgilangan me’yorlarga amal qilmagan holda ov qilish qoidalarini qo‘pol tarzda buzganligi va bu bilan tabiatga zarar etkazganligi ma’lum bo‘ldi.
O‘zbekiston Respublikasi Ma’muriy javobgarlik to‘g‘risidagi kodeksining 90-moddasiga asosan, huquqbuzarga nisbatan jarima va hayvonot olamiga etkazilgan zarar miqdori hisoblanib, ov qurollari Toshkent viloyati Bo‘ka tumani IIBga belgilangan tartibda topshirildi.
Yuqoridagi holat yuzasidan barcha ishtirokchilardan bunday holat boshqa takrorlanmasligi to‘g‘risida tushuntirish xatlari olinib, profilaktik suhbat o‘tkazildi.
Tabiat resurslari vazirligi matbuot xizmati
Fikrlar