Sabina Boboqulova Osiyo chempioni!

22 yoshgacha bo‘lgan, boks bo‘yicha Osiyo chempionati davom etmoqda. Final janglarining navbatdagisi -50 kg vazn toifasida yurtdoshimiz Sabina Boboqulova hamda Shri -Lanka vakilasi Sevandi Botalaj o‘rtasida bo‘lib o‘tdi. 

Dastlabki raundda Sabinaning kuchli zarbasidan so‘ng, hisob ochildi. Umumiy tarzda aytganda 1-raund yaqqol hamyurtimiz ustunligida o‘tdi. 2-raundda ham faollikni aslo susaytirmagan yurtdoshimiz ketma-ket zarbalar yo‘llab yana ikki marta hisobni ochilishiga sabab bo‘ldi va yakunda muddatidan avval g‘alabani tantana qilish barobarida Osiyo chempionligini qo‘lga kiritdi.