Беллингем кутилганидан тезроқ майдонга қайтди

"Реал" ва Англия терма жамоаси ярим ҳимоячиси Жуд Беллингем жароҳатдан кейин майдонга кутилганидан олдин қайтди. 22 ёшли футболчи Ла Лиганинг 5-туридан ўрин олган "Эспаньол"га қарши учрашувда (2:0) 89-дақиқада Килиан Мбаппенинг ўрнига майдонга тушди.

Беллингем сўнгги марта 9 июлда Клублар ўртасидаги Жаҳон чемпионати ярим финалида ПСЖга қарши баҳсда (0:4) ўйнаган эди. Бир ҳафта ўтгач, у елкасидаги муаммо туфайли жарроҳлик амалиётини бошдан кечирди. Дастлаб футболчи октябрь ойидагина сафга қайтиши кутилганди.

Шу билан бирга, 90-дақиқада ярим ҳимоячи Эдуардо Камавинга ҳам узоқ танаффусдан кейин майдонга қайтди — у апрелдан бери ўйнамаган эди. Камавинга Орельен Тчуамени ўрнини эгаллади.

Маълумот ўрнида, 27 сентябрь куни "Реал" меҳмон сифатида дербида "Атлетико"га қарши баҳс олиб боради. Бундан аввал эса "қироллик клуби" 23 сентябрь куни "Леванте" билан сафарда куч синашади.