"Bavariya"da yubiley va buyuk natijalar qayd etildi

"Bavariya" Bundesliganing 8-turi doirasida "Verder" (1:1) bilan durang o‘ynadi.

Ushbu uchrashuv myunxenliklar darvozaboni Manuel Noyer uchun jamoadagi 400-bahs bo‘ldi. Bu borada, yarim himoyachi Xavi Martinesning natijasi 250 taga etdi.

Bundan tashqari, Tomas Myuller "Bavariya" tarkibida 549-bellashuvini o‘tkazib, jamoa tarixida eng ko‘p o‘yin o‘tkazish bo‘yicha beshinchi o‘ringa ko‘tarilib oldi. Nemis klubi safida 700 ta bahs o‘tkazgan Zepp Mayer etakchi hisoblanadi. Shu qatorda, Oliver Kan, Gerd Myuller va Frants Bekkenbauer Tomasdan oldingi o‘rinlarni band etib turibdi.