“Bavariya” bu futbolchidan voz kechgani yo‘q

Myunxenning “Bavariya” klubi “RB Leyptsig” yarim himoyachisi Konrad Laymer uchun kurashni davom ettirmoqchi. Futbolchini “buqalar” sobiq murabbiyi va hozirda “nemis mashinasi”da faoliyat olib borayotgan Yulian Nagelsmann o‘z jamoasida ko‘rishni istamoqda.

Jurnalist Fabritsio Romanoning xabar berishicha, “RB Leyptsig” yarim himoyachini 30 million evro atrofidagi summaga sotishga tayyor. Biroq, “Bavariya” hali Laymer uchun talab qilingan pulni tayyor emas.

Laymerning o‘zi sobiq murabbiyi Yulian Nagelsmann bilan "Bavariya"da ishlashga qarshi emas.

Myunxenliklar yaqin kunlarda futbolchiga yangi taklif jo‘natishi kutilmoqda. Agar, “buqalar” rozi bo‘lsa, transfer rasman e’lon qilinishi mumkin.