"Барселона"нинг мавсумдаги энг яхши ўйини қайси?

“Барселона” ҳимоячиси Жорди Альба кеча “Реал Сосьедад”га (2:1) қарши бўлиб ўтган ўйин ҳақида ўз фикрини билдириб ўтди.

“Бу “Барселона”нинг жорий мавсумдаги энг яхши ўйини бўлди. Жамоа аъзоларининг ўзаро муносабатларидан мамнунман. Бизнинг шаштимиз жудаям баланд ва биз мусобақа жадвалида юқорилашда давом этамиз.

Биз Ла Лиганинг энг кучли жамоаларидан бирига қарши бўладиган бу ўйин қийин кечишини билган эдик. Биз бу ўйинда ҳар бир тўп учун курашадиган буюк “Барселона”ни кўрдик”, - деди Альба.

“Барселона” 20 очко билан Ла Лига мусобақа жадвалида 5-ўринда бормоқда.