"Barselona" Sillessenning narxini e’lon qildi

"Barselona" klubi darvozaboni Yasper Sillessen mavsumlar oralig‘ida jamoasini o‘zgartirishi mumkin. Bu haqda Marca nashri xabar tarqatmoqda.

Yuqoridagi manbaaga ko‘ra kataloniyaliklar 29 yoshli gollandiyalik posbonni garchi tovon puli 60 mln evro etib belgilangan bo‘lsada 50 mln evro evaziga qo‘yib yuborishga tayyor. Ta’kidlash kerakki, etarli o‘yin amaliyotiga ega bo‘la olmayotgani bois Sillessenning o‘zi rahbariyatdan transferga qo‘yishlarini so‘ragan. Agar u jamoadan ketsa, “Barselona” uning o‘rniga darvozabon sotib olishiga to‘g‘ri keladi.

Ma’lumot uchun, Sillessen joriy mavsum “Barselona” safida jami 7ta o‘yinda maydonga tushdi va o‘z darvozasidan 7ta gol o‘tkazib yubordi.