“Барселона”: Месси масаласида тўғри қарор қабул қилдик

“Барселона” президенти Жоан Лапорта жамоа етакчиси ҳисобланган Лионель Мессини клубда олиб қолишни уддалаш олмади. Айни пайтда каталониялик мухлислар клуб хўжайинини кескин танқид қилмоқда.

Бироқ, Жоан Лапорта Месси масаласида энг тўғри қарорга келганини таъкидлаяпти.

- Лионель Месси дунёнинг энг зўр футболчиси ва унинг ўз мақсадлари, интилишлари бор. Леода катта пуллар тикилган бошқа клубларнинг таклифлари етарлича эди. Биз у билан музокара қилдик. Биз бу музокаралар самара беришига умид қилгандик. Лекин амалда бундай бўлмади. Биз ҳамон Мессини ҳурмат қиламиз, лекин унинг тарихи тугади. Месси масаласида тўғри қарор қабул қилдик, - деди Жоан Лапорта.

“Барселона” тарихида энг кўп гол урган футболчи сифатида тарихга номини муҳрлаган Лионель Месси 10 август куни ПСЖ билан шартнома имзолади.