"Барселона" футболчисини грек клубига ижарага берди

"Барселона" ҳимоячиси Мусса Ваге фаолиятини Греция чемпионатида давом эттирадиган бўлди.

Клуб расмий сайти тарқатган хабарга кўра, 21 ёшли сенегаллик футболчи ПАОК клубига бир мавсумга ижарага берилган. Айтиш лозимки, у ўтган мавсумни “Ницца”да ижарада ўтказган эди.

Бундан аввалроқ, ҳужумчи Луис Суарес ва ҳимоячи Нельсон Семеду ҳам тез орада “Барселона”дан кетиши ҳақида хабарлар тарқалган эди.