"Барселона" "Челси" ҳимоячисини сотиб олмоқчи

"Челси" ҳимоячиси Рис Жеймс фаолиятини Испания Ла Лигасида давом эттириши мумкин. Бу ҳақда "deadlinedaylive" хабар берди.

Манбага кўра, "Барселона" клуби инглиз футболчисининг хизматларига қизиқиш билдирмоқда. "Кўк-анорранглилар" раҳбарияти Жеймсни ёзги трансфер ойнасида сотиб олиш имкониятини кўриб чиқмоқда. Каталония жамоаси инглиз футболчисининг трансфери учун 25 миллион таклиф қилишга тайёр.

25 ёшли ҳимоячи 2019 йилнинг ёзидан буён "аристокртлар" сафида тўп сурмоқда. Риснинг Лондон клуби билан амалдаги шартномаси 2028 йилнинг июнь ойи охирида якунига етади.