"Барселона" бу борада жорий мавсумнинг энг яхшиси

"Барселона" Европанинг Топ-5 лигасидаги жамоалар орасида рақибларини оффсайдга туширишда энг яхши натижа кўрсатмоқда.

Статистик маълумотларга кўра, жамоа барча мусобақалардаги 15 ўйинда рақибларини 99 марта (шундан 83 таси Ла Лигада) оффсайдда қолдирган.

Бу Европанинг топ-5 лигасидаги клублар орасида энг юқори кўрсаткичи ҳисобланади. "Блауграна" рақиблари бу мавсумда ҳар бир ўйинда ўртача 6,6 марта оффсайдга тушмоқда.

Маълумот учун, Каталония клуби Ла Лиганинг навбатдаги баҳсида ҳам "Эспаньол"нинг иккита голида сунъий оффсайд ташкил этди.