“Барса” мутасаддилари “Сити” футболчисини олиш ҳаракатларини бошлади

“Манчестер Сити” қанот ҳужумчиси Жереми Доку ёзги трансферлар даврида Испания чемпионатига кўчиб ўтиш имкониятига эга бўлмоқда.

“Барселона” бельгиялик футболчини ўз сафига қўшиб олишни мўлжаллаяпти.

Transfer News Live ва El Nacional каби манбаларда келтирилишича, каталонияликлар 22 ёшли футболчининг агентлари бир неча маротаба учрашув ўтказиб, ўзаро ҳамкорлик масалаларини муҳокама қилган.

Жереми Доку “Андерлехт” тарбияланувчиси ҳисобланади. Уни Франциянинг “Ренн” жамоаси 2020 йили 26 миллион еврога трансфер қилган ва уч йил ўйнатганидан кейин “Манчестер Сити”га 60 миллион евро эвазига сотиб юборган.

Каталонияликлар ҳам 2028 йилнинг ярмигача амал қиладиган шартномага эга футболчини олиш учун камида сарфланган сумма миқдорида харажат қилишига тўғри келади.