Азизбек Абдуғофуровдан ажойиб жанг ва муҳим ғалаба!

Бироз аввал, Россияда ўз якунига етган профессионал бокс оқшомининг марказий жангида ҳамюртимиз Азизбек Абдуғофуров мезбон боксчи Фёдор Чудиновга қарши рингга кўтарилди. 

10 раундлик тўқнашув тўлиқ давом этди ва якунда юртдошимиз ҳакамларнинг якдил қарорига кўра, 97-93, 98-91, 97-92 ҳисобида ғалаба қозонади.

Шу тариқа ҳамюртимиз ака-ука Чудиновларни мағлуб этган боксчига айланди. Абдуғофуров 2018 йил Фёдорни укаси Дмитрий Чудинов устидан ҳам ғалабага эришиб, WBC Silver камарини қўлга киритганди.

Шу ўринда ушбу муваффақият билан боксчимизни муборакбод этамиз!