"Арсенал" қўшиб берилган дақиқаларда иккита гол уриб, ғалаба қозонди ва пешқадамликка қайтди

Англия Премьер-лигаси 24-туридан ўрин олган "Астон Вилла" ва "Арсенал" жамоалари ўртасидаги ўйин ниҳоясига етди. Мазкур беллашувда "канонирлар" 4:2 ҳисобида ғалаба қозонди.

Майдон эгалари сафидан Уоткинс ва Коутиньо гол киритган бўлса, лондон клубидан Сака ҳамда Зинченко ўз номини таблога ёздириб қўйди. Қўшиб берилган дақиқаларда Жоржиньонинг супер зарбасидан кейин Эмилиано Мартинес ўз дарвозасини ишғол қилиб қўйди. Сўнгги сонияларда Мартинелли ҳам гол уришга муваффақ бўлди.