APL. "Manchester Siti" London klubini taslim qildi va kelasi turda muddatidan avval chempion bo‘lish imkoniyatiga ega bo‘ldi

Hozirgina Angliya premer-ligasining 34-turidan o‘rin olgan “Kristal Pelas” hamda “Manchester Siti” jamoalari bahsi o‘z nihoyasiga etdi.

Londondagi o‘yin 0:2 hisobida “shaharliklar”ning g‘alabasi bilan yakunlandi. Shu kuni “Siti” safida gollarni Serxio Aguero (57') va Ferran Torres (59') kiritdi.

Ushbu g‘alabadan so‘ng Xosep Gvardiola jamoasi o‘z hisobidagi ochkolar sonini 80 taga etkazib oldi va muddatidan avval chempionlikni qo‘lga kiritish uchun juda yaxshi imkoniyatni ega bo‘ldi. Agar “Manchester Siti” 8 may kuni navbatdagi turda “Chelsi”ni mag‘lub etsa, muddatidan avval g‘oliblikni qo‘lga kiritadi.

Hozirda peshqadam “Manchester Siti” bilan 2-o‘rinda borayotgan “Manchester Yunayted” o‘rtasidagi farq 13 ochkoni tashkil etmoqda.