Антоанетта Стефанова: "Мусобақадаги сеансда қатнашиб, гувоҳи бўлдимки, ёшларингизда шахматга катта иштиёқ бор"

IV Заковат-Гамбит мусобақаси доирасида машҳур хорижлик гроссмейстерлар иштирокида матбуот анжумани бўлиб ўтди. 

Болгариялик жаҳон чемпиони Антоанетта Стефанова ҳамда германиялик Европа чемпиони Маттиас Блюбаум ўзбекистонлик шахмат ишқибозларини қизиқтирган саволларга жавоб берди.

"Мусобақадаги сеансда қатнашиб, гувоҳи бўлдимки, ёшларингизда шахматга катта иштиёқ бор. Бу қувонарли. Мен ҳам бир вақтлар ўша вақтдаги жаҳон чемпиони Михаил Тал билан сеансда ўйнаганман ва у билан дурангга эришиб, жуда хурсанд бўлганман", - дея таъкидлади Антоанетта Стефанова. 

Маълумот учун, бу йилги тўртинчи турнирда 2210 нафар шахматчи иштирок этди, улар орасида 286 нафари аёл-қизлар!