Anchelotti yangi mavsumda "Real"da Beylga ishonch bildiradimi?

"Real"ning yangi bosh murabbiyi Karlo Anchelotti o‘tgan mavsumni "Tottenxem"da ijarada o‘tkazgan yarim himoyachi Garet Beylning kelajagi haqida gapirdi.

“U premer-ligada ko‘p o‘yin o‘tkazmadi, ammo u juda ko‘p gol urdi (20 o‘yinda 11 ta gol). U so‘nggi uchrashuvlarda juda samarali harakat qildi va barqarorlikka erishdi.

Men uni yaxshi bilaman (Anchelotti Beyl bilan 2013-2015 yillarda "Real"da birga ishlagan). Agar u motivatsiyaga ega bo‘lsa, u ajoyib mavsumni o‘tkazishi mumkin. Bunga shubham yo‘q”, - dedi Anchelotti.

Anchelotti “Real”ga kelguniga qadar “qirollik klubi” Beylni sotib yuborishi haqida xabarlar tarqalgan edi. Uelslik futbolchining madridliklar bilan amaldagi shartnomasi 2022 yilga qadar imzolangan.