Ана холос! “Реал” фанатлари Роналдуни олиб келишни талаб қилмоқда!

“Реал” раҳбарияти кутилмаган босимга дуч келди. Мадридлик фанатлар клуб президенти Флорентино Пересдан жамоа тарихида энг кўп гол урган Криштиану Роналдуни ортга қайтаришни талаб қила бошлади.

Маълумки, португалиялик тўпурар “Манчестер Юнайтед”дан кетмоқчи ва жамоа машғулотларига келгани йўқ. Унинг агенти Жорже Мендеш мижози учун янги иш жойи қидирмоқда.

Аввалроқ, Роналду “Реал”дан бошқа Чемпионлар лигасида қатнашадиган ҳар қандай клубда ўйнашга тайёр экани ҳақида хабарлар тарқатилган эди.

Роналду жаҳон футболи тарихида энг кўп гол урган ҳужумчи ҳисобланади. У клублар миқёсида 930 та учрашувда 694 та гол ва 221 та ассист муаллифи бўлган. Бундан ташқари Португалия терма жамоаси учун 189 та ўйинда 117 та тўп киритган.