Ana xolos! Argentina etakchisi terma jamoadagi faoliyatini yakunlamoqchi

Argentinalik futbolchi Anxel Di Mariya terma jamoadagi faoliyatini yakunlashi mumkinligi haqida gapirdi. 

Kecha "albiseleste" Venesuelani 3:0 hisobida mag‘lub etdi. 70-daqiqada maydonga tushgan PSJ xavbeki gol urdi hamda bitta golga assistentlik qildi. 

"Menga bo‘lgan cheksiz hurmatingiz uchun rahmat aytmoqchiman. Bu jamoa bilan erishgan barcha yutuqlarimni orzu qilardim. Menimcha, bu Argentina libosidagi so‘nggi o‘yinim. 

Hech narsa demayman. Shunchaki, hammasi uchun rahmat, rahmat va yana rahmat. Kerak bo‘lsa, ming marta rahmat aytaman. 

Futbolchilarni ajoyib uchrashuv bilan tabriklayman. Hamma mukammal o‘ynadi. Olg‘a Argentina!", - deb yozdi 34 yoshli futbolchi o‘z instagram sahifasida.