Sportchilarimiz ochilish marosimiga tayyor

Xabaringiz bor, bugun XVIII yozgi Osiyo o‘yinlarining tantali ochilish marosimi bo‘lib o‘tadi. Mazkur ochilish marosimi mahalliy vaqt bilan 18.08 da (Toshkent vaqti bilan 16.08) Jakartadagi “Gelora Bung Karno Stadium”da bo‘lib o‘tadi.

Osiyo o‘yinlarining ochilish marosimiga O‘zbekiston sport delegatsiyasiga Jismoniy tarbiya va sport vaziri Dilmurod Nabiev boshchilik qilmoqdalar.

Bugun tongda D.Nabiev sportchilar shaharchasida musobaqalar bo‘lib o‘tadigan arenalar bilan tanishdi hamda O‘zbekiston sportchilari bilan uchrashdi. Vazir Osiyo o‘yinlari baxslariga kirishayotgan har bir sportchi mamlakatimiz shuxratini yanada yuksaltirish uchun harakat qilishi lozimligi, Prezidentimiz va xalqimiz sportchilardan katta g‘alabalar kutayotganini aytib o‘tdi.

O‘zbekiston sport delegatsiyasida bokschi, Osiyo chempioni, Osiyo o‘yinlari sovrindori Isroil Madrimov Osiyoo‘yinlari ochilish marosimida bayroqdor vazifasini bajardi.

Eslatib o‘tamiz, Osiyo o‘yinlari har 4 yilda bir marotaba o‘tkaziladi. Joriy yilgi Musobaqada 40 ta sport turi bo‘yicha bellashuvlar o‘tkaziladi. 465 ta medal jamlanmasi o‘ynaladi. 15000 nafarga yaqin sportchi va rasmiy shaxslar musobaqada ishtirok etadilar. Osiyo o‘yinlari ilk marotaba ikki shaharda (Jakarta va Palembang)da o‘tkazilmoqda.