Расман! “Сўғдиёна” сафига яна легионерлар қўшилди

Тошкентда йиғин олиб бораётган “Сўғдиёна” жамоаси бир қатор ўртоқлик учрашувларида майдонга тушмоқда. Ушбу ўйинларда бир нечта футболчилар синовдан ўтказилаяпти. Бу ҳақда клуб матбуот хизмати хабар бермоқда. 

Мураббийлар штаби химоя ва хужум чизиқларини кучайтириш мақсадида Жанубий Кореядан иқтидорли хужумчи Ким Донг-Хини ва Сербиядан химоячи Милош Симоновични жамоа йиғинига таклиф этди. 29 ёшли Ким Донг-Хи Жанубий Кореянинг “Соннам” клубида фаолият олиб борган. Милош Симонович эса Сербиянинг “Напредак” клубида тўп тепган. Футболчи Сербия миллий терма жамоасида ҳам фаолият юритган. “Нурафшон”га қарши назорат учрашувида уларнинг майдонга тушиши кутилмоқда.