Novak Jokovich "Australian Open"da 7 marotaba g‘alaba qozongan ilk tennischiga aylandi

Dunyoning birinchi raqamli tennischisi serbiyalik Novak Jokovich biroz avval "Australian Open" turniri finalida ispaniyalik Rafael Nadalni 6:3, 6:2, 6:3 mag‘lubiyatga uchratib, faoliyatidagi "Katta dubulg‘a" musobaqasida 15 sovrinini qo‘lga kiritdi. Shuningdek, bu g‘alaba Novakning Avstraliya ochiq chempionatidagi ettinchi sovrinidir.

31-yoshli Novak "Australian Open" da etti marotaba g‘alaba qozongan birinchi tennischiga aylandi. U Roy Emerson va Rojer Federerni ortda qoldirdi. 

Nadal va Jokovich o‘rtasidagi o‘zaro o‘yinlar soni 53taga etdi. Ularda Novak 28 marotaba zafar quchgan bo‘lsa, 25 marotaba mag‘lub bo‘lgan.