Мусса Дембеле қишда “Ливерпуль” аъзосига айланиши мумкин

“Ливерпуль” клуби Шотландиянинг “Селтик” жамоаси форварди Мусса Дембелега жиддий қизиқиш билдирмоқда.

The Sun нашрининг ёзишича, мерсисайдликлар 20 ёшли франциялик футболчига 24 миллион евро беришга тайёр. Ушбу келишув қишки трансфер даврида амалга оширилиши мумкин.

Эслатиб ўтамиз, Дембеле ушбу мавсум “Селтик” таркибида барча мусобақаларда жами 24та учрашувда иштирок этди ва ўз ҳисобига 17та гол ёздириб қўйишга эришди.