"Milan" tez orada A Seriya to‘purarlaridan birining transferini e’lon qiladi

"Jenoa" klubi forvardi Kshishtof Pentek faoliyatini "Milan"da davom ettiradi. Bu haqda italiyalik jurnalist Fabritsio Romano tvitterdagi sahifasida e’lon qildi.

Unga ko‘ra 23 yoshli polshalik futbolchi “rossonerilar” bilan besh yillik shartnoma imzolaydi. Uning transferi esa milanliklarga 35 mln evroga tushadi. Bu haqda yaqin vaqtlar ichida rasman e’lon qilinadi.

Ma’lumot uchun, Pentek joriy mavsum genuyaliklar safida jami 23ta o‘yinda maydonga tushdi va o‘z hisobiga 19ta gol yozdirib qo‘yishga erishdi.