Лопетеги: "Атлетико" – хатолардан фойдаланиш бўйича мутахассис

"Одатда финалда ким кўп хато қилса, ўша мағлуб бўлади.  "Атлетико" эса хатолардан фойдаланиш борасида эксперт. Улар ўзлари яратган вазиятлардан оқилона фойдаланишди.

Биз қўшимча бўлимларга 2:2 ҳисобида етиб бордик ва экстра таймнинг катта қисмини биз назорат қилгандек таассурот қолди.  Сўнг рақиб ҳисобни 3:2 га келтирди.

Биринчи қўшимча бўлимда яхши ўйин кўрсатдик. Учинчи гол бизни руҳан "синдирди". Ўшанда биз ўйинни бой бердик", - деди испаниялик мутахассис.